Apres lo succès de sa prumiera contribucion ( de veire Tragèdia urbanistica sur queste blògue), Felip Frens nos manda un pichon conte en forma de platussadis d'inspiracion daroinenca.
°°
- Te disi qu’ai vist un òme venir d’un arbre.
- Pas possible !
- Cossí, pas possible ?
- L’òme ven del monin.
- E lo monin alara, d’ont ven ?
- Lo monin ven de l’arbre que i èra montat per anar querre de que manjar.
- Cresi que legisses tròp lo Darwin, tu. O sabiás pas que l’arbre ven de la grana, benlèu ?
- Segur que o sabiái. Me fas pensar a l’istòria de la galina.
- Quala galina ?
- La que poneguèt son uòu primièr en soscar a l’origina del monde. Se demandiá se veniá de l’uòu o lo contrari. Podiá pas se resòlvre.
- Tenes de las bravas galinas filosòfas, tu.
- Oc, mas aquò m’empacha pas de ne plumar de temps en temps tant parièr coma lo rainal.
- N’a encara trapada una, aquel rainal ?
- Gaireben. La galina que veniá de picar la grana escapèt en s’envolar dins l’arbre ont lo monin s’èra pausat aprèp que l’òme ne foguèsse davalat.
- E cric e crac, lo conte es acabat.
Felip Frens.
