De tots temps, dumpuèi que lo monde es monde – e mesma benlèu abans- ço-ditz mon àngel gardian – los òmes an volguts saupre lor avenidor. Mas l’avenidor es pas parièr per cadun e cambia segon lo sex, la posicion sociala e subretot emb lo caractari de las personas, sens oblidar las epòcas. Tenetz al temps dels primièrs òmes l’avenidor, per lo mascle, èra d’estre lo mai fòrt per devenir lo capmèstre e per comandar ; mas per una fumèla l’avenidor èra d’estre la primièra femna del capmèstre , qu’aital èra considerada e que los autres mascles li tustaván pas dessus !! -que los preistorians me perdonán se quò’s pas la vertat vertadièra, mas me sembla que quò deviá estre un pauc aital -… !

Aver enveja d’un avenidor melhor per si e per los seunes es una enveja qu’es tant vièlha que lo monde , mas coma los òmes son jamai content de çò que an, vòlon saber çò que van aver e subretot se van n’aver mai, totjorn mai. E se pausa alara la granda question de saber de que deman serà fach.

Als temps ancians lo capmestre de la tribú consultava lo devinaire abans de decidir d’anar caçar. Lo devinaire s’embarava dins sa cròsa enfumada ont se pintava lo nas e aprèp donava lo jorn e l’endrech ont caliá caçar quore la lèbre, quora lo mamot o encara lo cèrvi. E los caçaires trovaban e tuavan las bestias ! Aquel biais de far èra dejà una mena de psicologia : quand s’es segur de ganhar, pòdes pas perdre !

Puèi vinguèron los temps ont los endevinaires legiguèron l’avenirdor en avisant la forma d’una taca del sang d’un polet, o la color de son fetge o encara dels dessenhs que fasián sas tripas espendidas sul sòl. Dins aqueste reçerca de la coneissença del futur las bestias maleficas, talas los grapauds, las sèrps, los corbàs e quitament las choitas jogavan un ròtle plan important, subretot quand caliá invocar los poders satanics ; de fach per assegurar l’avenidor de X, caliá acorchir la vida de Y !! Aital anava lo monde…

Al jorn de uèi avèm daissat aquels biais de far, per passar dumpuèi fòrça temps a la legida de las linas de la man que fasiá recèpta dins las vòtas o las grandas fièras. Legida que fasiá rire tant e mai los grops de joines e capejar los ancians !

Ara sèm passat al ”sceau astral”. L’estudi de la vòstra vida a venir se fach emb la posicion de las estèlas dins vòstre cèl astral. E cal creire que quò’s una causa plan segura, plan vertadière que los òmes politics consultan vesents e vesentas .

De tots biais podetz trobar vòstre oroscòp dins lo jornal de cada jorn, sus totas las revistas que trovatz chal perruquièr o chal metge : i a pas una revista per las femnas sens oroscòp. Mas los òmes son pas oblidats e n’i a belcòp que legisson las revistas de lor femna per poder avisar las prediccions de lor signe zodiacal.

Que siasquon intellectuals, manuals, rics o paures, sabents, stars, cantaires o comedians o quitament occitans tots van veire l’oroscòp, per se far dire que van aver deus sous , de l’amor …eca…

Anem ! m’arresti aquí  qu’emb tot aquò ai quitament pas legit mon oroscòp.

Per l’ASCO Sèrgi Lespinasse

Ives Roqueta nos quitet a la debuta de l'annada. En omenatge, veiqui un texte de l'escrivaire avairon mandat per Marçau Peironi. Fuguet escrich quante per Ives Roqueta quante avia 22 ans.

°°

Quand aurai tot perdut

mon lassitge ma lenga e lo gost de luchar

me virarai encara un còp cap a vosautres

òmes mieus

carretièrs jornalièrs pastres varlets de bòria

caratges doblidats esperduts renegats

òmes dels vilatges esconduts

dins un temps que vòl pas

que pòt pas espelir

e traparai dins vòstre agach

dins lo quichar de vòstras mans

dins vòstres crits mandats de lònga

de fons a cima de la tèrra

e que degun pòt far calar

una rason de creire encara

Tornarai èsser per vosautres

abitants grèus e maladrechs

d’un país de la votz d’enfança e de tèrra

lo mainatge qu’ai pas quitat d’èsser

un enfant de la vila en cèrca de l’amor

del pibol plegadís coma un cant de pelhaire

trevant los nauts pelencs de la vòstra mementa

d’òmes que sabon tot sens aver ren legit

que lo libre del temps que fai

Quilharai una taula

còntra lo vam dels sèrres

e me farai per vosautres

escriveire public.

Ives Roqueta

L'emission de genier animada per Joan-Claudi Dugros e Jean-Pierre Drilhol sera consacrada a la toponimia occitana, a Maria de Ventadorn, nascuda de Turenne e a las actualitats literàrias e musicalas.

De escotar sur http://www.bergerac95.fr/index.php?category/Emissions/Par...

Le groupe de « groove trad progressif du Périgord » se produira vendredi 23 janvier à l'espace culturel de Ribéracà partir de 20 h 30.

Ce concert est réalisé au profit de la classe bilingue occitan français l'école maternelle des Beauvières, ouverte en septembre dernier.

L'entrée est gratuite jusqu'à 15 ans, pour les autres , 5€ si réservation auprès de l'école( 05 53 90 03 14) ou 7€ sur place le soir même.

Joan-Pau Verdier e Marçau Peironi nos informan que l'emission dau 25 de genier a 11 oras sur França Blu Perigòrd sera consacrada a Marceu Esquieu emb la difusion de son intervista de 2006 a l 'Estivada de Rodes, mai Ive Roqueta emb la legida d'un de sos contes « Los tres gendres del paubre òme ».

Meitat chen , Meitat pòrc , chasque diumenc a 11 oras  sur França Blu Perigòrd!

Veiqui lo ligam vers França Blu Perigòrd

France-Bleu Périgord

e lo ligam vers lo site de Joan-Pau Verdier

Faudrait-il donc que le soleil soit radieux en janvier?

Non plus! Il faut croire que ce mois n’est jamais content de son sort: 

« Vaudriá mielhs veire lo lop demest las auvelhas Qu’un òme en chamisa en genier». Il vaudrait mieux voir le loup parmi les brebis qu’un homme en chemise en janvier.

Variante : « Mielhs vau rainard au jalinier Qu'òme en chamisa en genier ». Mieux vaut renard au poulailler qu’homme en chemise en janvier.

Ou encore : « Mielhs vau raubaire au granier Que brave temps en genier ». Mieux vaut voleur au grenier que beau temps en janvier.

Micheu Chapduelh

Décidément, ça bouge pour l'occitan du côté de la CCPR ( communauté de communes du Pays Ribéracois).

Après la Félibrée et les panneaux bilingues sur le canton de Verteillac en 2014, l'ouverture de l'école maternelle bilingue occitan/français des Beauvières à Ribérac en septembre, de l'initiation occitan au collège Michel Debet de Tocane en septembre dernier, la mise en place des TAP ( Temps d'Activités Périscolaires) permet depuis janvier de proposer l'initiation occitan dans plusieurs communes : Tocane Saint-Apre, Grand Brassac, Lisle et Ségonzac. 

« Nous souhaitons ouvrir les enfants à de nouvelles activités, de nouvelles connaissances, les sensibiliser aux langues, les habituer à une musique des mots différente » déclare Julia Mortier, responsable des activités péri et extrascolaires à la CCPR. «L'occitan, comme langue naturelle de l'endroit y avait évidemment sa place. On sent d'ailleurs qu'il se passe quelque chose dans le domaine culturel en occitan, chant, musique et danse. Les familles et les enfants réagissent très favorablement. La formation « Passaires de lenga » proposée par Novelum a permis de trouver deux intervenants pour commencer ce que nous avions en tête depuis longtemps ». Et comment ça se passe ces fameux TAP ? Maryse Lasjuillarias, intervenante à Tocane et Grand Brassac répond. « Lors de séances d'une heure environ par semaine, nous leur apprenons des choses simples, comme compter, reconnaître les parties du corps, dire bonjour... Je leur fais travailler la prononciation. Les enfants adorent les comptines ou les chansons comme « Joan Pitit » ou « La polka clapada » ou des contes comme « Poletoneta ». Ils sont curieux ces « goiassons », posent des questions et en redemandent ». « Une bonne partie des enfants a déjà entendu quelques mots a la maison », précise Philippe, intervenant à Lisle et Ségonzac. Des expressions comme « chabatz d'entrar »,« sieta-te », « adiu » ou « taisa-te ». Il est très plaisant de contribuer à notre manière à la redécouverte et réappropriation de la langue. Espérons que les familles vont se prendre au jeu et parler avec les enfants. ».

L'initiation à l'occitan dans le cadre des TAP pourra s'étendre à d'autres communes de la CCPR, pour ce faire, l'association Novelum peut former des intervenants, contact au 0553087650.

Denis Gilabert.

Photo: los goiassons e las goiassòtas de l'escòla de Segonzac

Lo 15 de genièr, l'estanquet "La lune pebre" nos aculhiguèt per nos tornar trobar coma de costuma, un còp per mes. Per aqueste serada, l'òme que sap parlar de las plantas, vòli dire lo Joan-Loís Oraziò, nos venguèt presentar son libre novelament editat, "Orquidèas salvatjas de Perigòrd".

Tot aquò foguèt fach a l'encòp emb fòrça modestia e emb la mòstra d'un grand mestritge de la botanica. Emb son parladís imagièr e son amor per aquelas flors, saguèt nos menar dins la dralha de l'orquidèa salvatja.

Comencèt per nos dire cossí espeliguèt son livre qu'èra demorat amagat dins lo fons d'un tirador fòrça temps e que ne'n saliguèt gràcia a la Brigida Miremont, la sia femna. Qu'èra estat pecat que i demorèsse oblidat per totjorn !

Puèi, nos contèt l'istòria de las orquidèas tras los temps. Nos diguèt que dins los diferents mites e mitologias de fòrça pòbles, se vei lo pivelatge dels òmes per aquelas flors. Lors bulbes, un mai petit que l'autre, de la forma dels colhons, atisavan fòrça desiranças. Cal dire que lo "viagra"èra pas estat encara trobat pels cercaires ! Mas, rai d'aquò ! Parlèt tanben d'unas espècias de las raices en forma de dets que se disián "la man del diable". Aquela d'aquí èran atanben plan recercadas per tal d'espotir los bulbes e ne'n far una mena de farina que deviá èstre qualque potinga afrodisiaca e miraclosa ! Ne resultèt qu'un fum d'espècias d'orquidèas desapareguèron.

Aprèp, lo Joan-Loís parlèt de la planta, ela meteissa, coma botanista : cossí reconéisser una orquidèa, cossí se desvolopa e cossí se far la polinisacion. Nos entresenhèt sus sa multiplicacion vegetativa, sa reproduccion sexuada, sa germinacion e ont se podiá trobar. Aital, nos faguèt lum sus nòstras coneissénças, que per d'unes coma iò, èran un pauc trantalhantas ! Contunhèt en nos fasent veire qualque fotòs d'orquidèas. Se me rapèli plan, i aviá l'ofrís abelha, l'ofrís becassa, l'ofrís mosca, l'orquís boc, l'orquís monard, l'orquís moscalhon, lo serapiàs lenga... A cada còp, lo Joan-Loís donava l'explicacion del nom e autras entresenhas. Fin finale, nos mostrèt l'esclòp de Vènus que se'n vei pas mai.

Aprenguèron que en França i a enquèra unas 160 espècias d'orquidèas que s'escondisson dins los talhís, los romegàs,dins las zònas secas e peirosas, mas tanben dins las pradas umidas. Lo Joan-Loís apondèt que ara, las orquidèas son pas mai desragadas per lors colhons, mas que i aviá una menaça de las bravas emb l'aveniment de nòstre monde dich "desvolopat" : l'assecament de las zònas sanhosas, l'emplec de deserbants e pesticidas, la modificacion dels ecosistèmas... e ne'n passi !

Quò foguèt una serada plan instructiva e agradiva, menada per un òme meravilhat per la beutat e la gràcia de las orquidèas e mai per lors estrategias dins la capitada de lor reproduccion. E benlèu que se voliam botar nòstre grun de sal per salvar las orquidèas e la natura tota entièra, poiriam far coma lo Joan-Loís, prene lo temps de nos arestar pels camins de travèrsa, remirar, solfinar, escotar, tastar quand quò's possible e subretot respectar...

Grandmercé, Joan-Loís !

Grandmercé, Brigida, tu que ajudères ton òme a portar son livre a tèrme !

Per l' ASCO : Pauleta André

Quand los Americans prengueren Bagdad en 2003, la television faguet veire un elicoptèr que davalava sus l’embassada daus Estats Units e daus sodards que ne’n surtian per anar ocupar los bastiments. Los Estats-Units tornavan prener lur ben. Los ciutadans americans podian creire que los drechs de lur grand país umiliat eran restablits e que l’invasion de l’Iraq era justifiada.
Daus jornalistas fagueren remarcar que l’embassada aviá desjà estada presa l’enmatin e que lo « reportatge » filmat quauquas oras pus tard era entierament fabricat. D’autres disseren que quo era a quauqua ren prep lo mesma filme a l’envers de lo dau darnier elicoptèr que s’enlertet de l’embassada americana a Saïgon en 1974. Los Vietnamians dau nòrd era mestres de la vila. Daus mila de gent demoravan barrats dins l’embassada, podian pus se sauvar… Imatges d’umiliacion nacionala que los Americans eran pas prestes d’obludar…
Fagueren veire lo filme de Bagdad sus la chadena CBS. A los que ne’n fagueren lo repròche aus jornalistas, i aguet de la gent per respondre : « Lo reportatge es benleu factualament faus (factually false) mas es istoricament vertadier (historically true) » !
Parier per Neil Armstrong quand pauset los pès sus la luna en 1969. Darnierament, un reportatge per la chadena Arte provet que lo filme aviá estat fait per Stanley Kubrick a Londres avant l’eveniment, per l’amor de presentar aus telespectators daus imatges… presentables. Disseren que, a l’epòca, daus cineastas professionaus coma François Truffaut avian vut la trompariá.
Mai quò data pas d’aüei que los medias americans se sierven de fotografias fabricadas. Pendent la Guerra Civila americana, los jornaus daus estats de l’Union fagueren desjà pareitre de las scenas dramatizadas per la propaganda nordista. « Istoricament vertadier » !
Quo es verai en partida que òm pòt far dire ad una fotò tot çò que òm vòu. Benleu que los imatges nos aiden nos representar un eveniment e que, si son « historically true », fau ren lur damandar de mai, sens nos pausar la question de lur autenticitat. An un ròtle pedagogic, coma los imatges sus las façadas, los vitraus e los tableus de las egleisas. De las representacions per aprener l’istòria senta a nòstres ancians que sabian pas legir. Los grands tableus « istorics » de David, Gros, Géricault, Delacroix, Picasso, avian pas mai de valor documentària, mas lur messatge era acceptat. L’eficacitat de ‘queu « messatge » despendiá, per una granda partida daus ciutadans, de la volontat de lo creire. Las prenem per çò que son : de las òbras d’art fòrtas portairitz d’un messatge ancian.
Quo es pus parier aüei ; la gent vòlen daus documents autentics. Son plan esmalits si descuebren que los imatges son messongiers. O ben chausissen lo cinisme, fòrma de fenhantisa intellectuala ; deciden que òm pòt pus creire ren ni degun.
Quò empaicha pas que quauquas fotografias d’una fòrça excepcionala, presas sus la scena de l’eveniment per daus fotogràfes plan coratjos, pòrten un messatge pas totjorn prevut mai benvengut per las autoritats. An una valor de document e pòden quitament jugar un ròtle istoric. Pense a la fotò  de Robert Capa presa pendent la guerra d’Espanha, ente un veu un combatant republican au moment qu’una bala fascista li fai laschar son fusilh e tombar mòrt d’eschina. O ben a la fotò de ‘quela dròlla vietnamiana que fug tota nuá sus la rota, lo còrs bruslat per lo napalm, en unlar de dolor, davant la fumada negra de son vilatge que crama. Los Americans que vegueren quò-‘quí dins lo jornau prengueren consciença de la sauvatjariá modèrna de la guerra que lur país menava au Vietnam. Parier coma « Lo Radeu de la Méduse » de Géricault, dins las annadas 1820 ; lo tableu aviá fait prener consciença aus Francés de l’incompetença de ‘quilhs monarchistas au poder, que avian perdut lur onor e lur umanitat. Parier coma Guernica. Pense aitot aus uelhs verds d’una pita dròlla afgana de benleu dietz ans en fotò sus la cuberta dau National Geographic quò fai tres o quatre annadas, daus uelhs plens de colera que siran jamai pus los d’un mainatge, que puraran pus jamai, perque an vut tota l’orror e la dolor dau monde, daus uelhs de serp presta a ‘fissar ! Òc-es, quò exista, los reportatges onestes que an dau sense !

A prepaus d’imatges, vautres voletz benleu me far parlar de Charlie. Segur, sei Charlie.  Un Charlie coma vautres, que es plan triste, esmalit, desgostat. Que rencura plan « son » economista Bernard Maris. Que vòu pas laissar los fòus e los brigands far la lei en Euròpa mai dins lo monde. Que sosten lo drech de blasfemar, lo drech d’estre islamofòbe, crestianofòbe, judaistofòbe, ateistofòbe, librepensadofòbe, sabe-iò, dins las boinas de la lei republicana. Que a pas paur, e que pensa que, per forçar los uns e los autres a acceptar ‘queu drech, lo fau far servir, l’impausar, fau laissar « blasfemar », e non pas « respectar » sens criticar, autant dire acceptar, las cresenças, leis, « tradicions »… daus sauvatges. Un Charlie que aima Daumier, per exemple. Quauques dessenhs de Charlie Hebdo – benleu pas tots –   lo fan plan rire, mas los oblueda redde !
Non, quo es pas mon genre, ’quel estat d’esperit de mocariá sistematica, mai si quò exista e deu existar. La simplificacion-simplisme-vulgaritat de l’expression e de la pensada, la derision generala son un autre biais de barrar lo sense critic, que pòt far mespresar tot mai tot lo monde, quitament las lingas minoritàrias… Mas aurá, quo es benleu pas lo moment de ne’n parlar. Excusatz-me !

A Marennes, lo 23 de genier de 2015
Jan-Peire Reidi

Joan-Pau Verdier e Marçau Peironi nos informan que lo convidat de l'emission dau 1^er de feurier a 11 oras sur França Blu Perigòrd sera Sebastian Girard de l' Agencia Culturala Dordonha Perigòrd per parlar de la dictada occitana que se debanara lo 7 de feurier a l'amfiteatre Jean Moulin de la biblioteca Pierre Fanlac de Perigüers, mai de l'actualitat dau pòle occitan de l' Agencia Culturala.

Meitat chen , Meitat pòrc , chasque diumenc a 11 oras  sur França Blu Perigòrd!

Veiqui lo ligam vers França Blu Perigòrd

France-Bleu Périgord

e lo ligam vers lo site de Joan-Pau Verdier

Le beau temps de janvier est donc de mauvais augure pour la suite et peut s’étendre bien au-delà de février et de mars : 

« Quand genier chanta, Junh deschanta ». Quand janvier chante, juin déchante. (Ce proverbe peut aussi, bien entendu, se comprendre comme une métaphore : Tel qui rit vendredi…) 

« Quand lo grapaud chanta en genier, Mainatja la palha, meitadier ». Quand le crapaud chante en janvier, économise la paille, métayer.

« Si l’erba en genier desjà grelha,Mossa nonmàs per ton auvelha ». Si en janvier l’herbe pousse déjà, rien que de la mousse pour tes brebis.

Et de toute façon : « Las flors de genier Van pas au panier ». Les fleurs de janvier ne vont pas au panier (ne portent pas fruits.)

« Una ponhada d'estelas » ( une poignée d'étoiles), c'est le dernier livre en occitan de Jacme Fijac. A Daglan où il est né en 1933, l'auteur anime l'association Las bonas lengas ainsi que la revue 100 % occitane Plumas d'òc et un atelier de langue depuis 2007. Il trouve aussi le temps d'écrire : « La lenga en boiga » puis « Cascanhòls de Ceu », « Los òc-garons » et cette année, un livre de souvenirs d'enfance.

« Lo subjècte de sovenirs d'enfància es classic en literatura, mas avèm causit un biais d'escriure diferent. En efièch, aquel obratge parla de la vida viscuda dins las annadas 40 e 50 per un mainatge que se sona Marcon - que de segur me sembla- mas tresmudada pels sovenirs d'un adult. Parli de la vida dins lo campèstre en Perigòrd negre dins lo ranvèrs de Daglan, païs de vinha. Legiretz aital lo trabalh de la tèrra e las sasons : las vendinhas, la castanhada, las fenasons, los medres e escodesons eca... Totas aquelas causas que visquèri quante èri mainatge dins un mitan païsan, lo de ma familha, onte ausiguèri parlar la lenga. Parli tanben de l'escòla, de las fèstas. » Et avez-vous toujours vécu à Daglan ? « Non-pas, que mon mestièr de postièr me menèt un pauc pertot : Paris, Estrasborg, Roen, Bordeu...Mas tornavi sovent a Daglan. Mos parents avián decidat de me parlar sonque en francés, mas entre els parlavan occitan, aital fuguèt mon primier aprendissatge de la lenga. Urosament, aprèp, mon filh poguèt tot parier parlar occitan coma sos grands parents. Me sei metut seriosament a parlar e escriure i a una bona quinzenada d'annadas, au moment qu'avèm creat l'associacion e la revista Las Bonas Lengas. ».

Une riche idée que d'écrire pour Jacme Figeac qui présente ici un ouvrage sur la vie en Périgord noir, dans une langue très élégante et un style poétique. Una ponhada d'estelas, 153 pages, 10€, aux éditions Novelum-IEO Perigòrd. En vente en librairie.

Denis Gilabert.

Veiqui un texte del talhier animat per Pauleta André.

°°

Bona annada a tot lo monde

A los que s'aiman

A mos amics e a mos vesins

A ma vesina qu'es de tant bon far per iò...

Bona annada als lops-garons e als leberons

A totas las bèstias

A mon chen e a mon caton que duermon dins lo canton

A mon borricòt e a mos auselons...

Bona annada als ortalièrs

A tots los arbres e totas las flors

A tota las fadas de totas las fonts

Bona annada, bona annada...

Bona annada a vosautres tots

A tots, mas pas a mon collèga

A tots los papets e las mametas que vòlon demorar jòines

Bona annada...

Bona annada als occitanistas del Sarladès

A tots los musicaires que fan dançar los amorós e los que zo son pas

A los que son luònh e los que son rasís

Bona annada, bona annada...

Bona annada a tots los que demòran sols

A totas las maires e tots los petits nenets

A tots los òmes de la tèrra e totas las femnas

A tots los qu'aiman far la fèsta e los autres tanben...

Bona annada a tots los que son partits luònh e qu'espèran tornar lèu

A los que son malauts e que vòlon se'n sortir

Al mond perduts suls batèus abandonats

A los que son al caud e un bon fuèc per los que son defòra...

Bona annada a los de Sant-Cibran e los d'endacòm mai

A los que m'aiman pas e qu'una ventada los empòrta

Bona annada a tots los qu'avèm oblidats

Bona annada, bona annada...

Bona annada a tots los que se baton contra l'escurantisme

A tots los que denoncian lo fanatisme

A tots los que trabalhan per l'escolarisacion de tots los dròlles dins lo monde

A tots los que prenon lo temps de soscar un pauc.

Bona annada als petits vièlhs

E als ausèls

Al chocolat e als cats

Quò's tròp complicat

Per far rimar

Ne'n pòdi pus

Bona annada a cadun !

Lo talher de lenga de San Cibran

Veiqui lo reportatge que faguet octele.com a l'occasion de l'edicion 2014 de Paratge a Bordelha.

De veire sur : paratgeoctele.com

Dimarç 5 de feurier partir de 20 oras 30, au café associatiu daus Thetards, 3 rua de la Brida, lo Talhier Culturau Occitan de Perigüers vos convida ad una serada botanica coma Joan-Lois Orazio que parlara de son darrier libre "Orquidèias salvatjas de Perigòrd".

Sovent quand torrine*, daus mots ancians occitans me tornen en memòria. Mots e expressions qu'ai pus gaire l'occasion d'auvir... daus mots simples ò complicats qu'emploiavan la gent dau vilatge e que me 'ribavan a la volada dins las aurelhas.

La Marie M. de Pueg Ardich era la reina de 'quelas figuras d'estile emb de las expressions fluridas. L'avia l'art, coma degun, de trobar daus eimatges, daus chafres* e sustot d'enginjar daus mots noveus per mielhs dire çò que 'la pensava e tanben interessar son auditòri a l'ocasion dau passatge dau bochier, bolangier e autre espicier. En mai 'la ponctuava sas frasas de pitits mots afectuos -ò pas- en foncion de l'interlocutor, coma « paubre filh, paubra femna, paubra òme » ò « e ben mon coquin ! »...  « filh de lop » e quitament « filh de loira ! »

La Marie M. avia totjorn viscut a Pueg Ardich. L'era nascuda dins sa pita maison clara en peiras de grison* emb 'na genoisa de cinc renjadas de teules en naut dau mur, maison particularament bien situada a l'entrada dau vilatge. Sa vita ? Crese que 'l'avia perdut sa mair quand 'l'era jòuna, 'l'avia 'na sòr que li semblava. Son pair avia deugut se tornar maridar en Charanta perque daus còps la disia que sa demia-sòr « bien maridada » era venguda la veire emb 'na gròssa veitura ... Sietada pres de la chamineia, a visar los dos tisons crosats d'ente montava una pita flama bluia, dins sa granda cosina totjorn bien boissada e pròpa, aimava l'escotar parlar de sa jòunessa e de sa granda mair de la maison dau Jutge, «O Diu paubra !... l'era bien aimabla 'quela femna... 'la nos fasia cueire de las pompiras ròstidas  e nos veniam, sos cinc pitits filhs dau vilatge, en fujant e nos tornavam partir daus bocins de pompiras dins las mans que nos craunhavam... qu'era nòstres bonbons de la fin de las annadas 1800 ! .

Sabe que jòuna filha 'l'aguet una decepcion sentimentala e que 'la venia lo ser durmir chas ma granda-mair « per obludar sos einuegs ». Pus tard, 'la trobet un gente òme e se maridet... 'la ne'n era plan fiera e l'expression « Era-t-eu gente mon òme ? » ponctuava sas frasas quand 'la me montrava sa fotò de maridatge dau printemps 1920. En efech, lo François era grand e me sovene sustot de sas gròssas mostachas qu'eu se frisava dau bot daus dets. Agueren un filh unique dos ans pus tard.

La Marie M. era totjorn bien penhada emb un chinhon rond acrochat per una penhe en còrna. La vese emb son davantau gris a pitas flors blanchas per portar quauquas fuelhas de chauls ò gaugs* per sos lapins. Si quauqu'un passava n'um podia comptar sur ela per far la conversacion e tot saber sus la gent. Fau dire que quò li fasia 'na distraccion de veire lo monde, 'l'avia jamai surtit dau vilatge a part per 'nar au borg per l'escòla, las festas, e... los voiatges en autobus organizats per l'Amicala de las Escòlas... çò que li faguet dire en tornar de Roian « aura coma ai vist la montanha mai la mar, ai tot vist, pòde morir quand vòle ! »...

L'avia pas sa pariera per baptisar la gent que passavan sus la rota e far los comentaris « qu'era la Marguerita e son Margariton » ò ben « qu'era de la gendarmassaria per lo calendrier » , « quela femna qu'era un brave chaptau, 'l'avia un manteu de borra de chen », « O Diu ! paubra pita, eu era v-òrre coma un còp de fusilh » mas l'expression que surtia lo mai era « 'queu filh de Senta Nòbla Loira »....

Coma 'la parlava fòrt, n'um l'auvia de loenh... e 'la podia quitament se far de las reflexions a votz nauta per fin d'estre auvida « Es-quò, possible de viure dins de la miseria entau !» si per cas 'la vesia una bosa de vacha dins lo chamin ! Qu'es vrai que l'era delicada...

L'aimava pas tròp lo trabalh daus champs. Quand son òme fuguet vielh, son filh prenguet la succession e la Marie M. contunhet jusquant'a sa mòrt de far la cosina per tota la familha. Sos nebots apreciavan lo gost daus clafotis a gròs bòrds que 'la fasia cueire dins lo forn de la chaudiera apres la bacada*... 'la enfornava una tòla sus son fuòc entau la chalor se perdia pas.

A un mes de sos 90 ans, 'la se casset 'na chamba e partiguet a l'ospitau. Sa nòra me disset « qu'alai 'la parlava nonmas en patois e que mesma la nuech 'la raibava en patois ! ». 'La tornet juste per son darnier voiatge au cementeri de Roman.

Per ma part, avia totjorn apreciat sa libertat de ton e sa faiçon de pas gardar la linga dins la pòcha ! Un personatge, 'quela Marie M. !

Marie M. (15/03/1895-02/02/1985).

Andrée Jaumeta Beauzetie ( notre photo)

(merces a Adelina que me balhet las datas)

Lexic:

torrine : faire son tourin (soupe à l'ail) faire peu de chose !

Chafre : surnom

grison : granit

gaugs : pissenlits

bacada : patée pour les cochons

Au sommari dau numerò 146 de genier 2015 de Paraulas de Novelum, revista 100% en occitan:

Copar dau boesc: quoras, coma, loquau? per Jan-Peire Reidi

Amor, amur o ameur ? A perpaus del mòt "ameur" per Joan Rigosta

Pitat curiositat linguistica: Meitat-chen, meitat-pòrc per Micheu Chapduelh

Los esbratats (episòdi 2) per Joan Ganhaire

De bon legir per Joan-Claudi Dugros e Joan Rigosta

Omenatge a Pierre G. Javanaud per Ives Lavalada

Despartidas per Joan Rigosta

Los noms de lòcs que començan per "Casse" per Joan Rigosta

°°

Per s'abonar a Paraulas de Novelum:

Abonament 4 numeròs : 15€, abonament 8 numeròs: 25€.

Los abonaments se paian per cheque a l'òrdre de Novelum, de mandar a:

Novelum, Centre Socio-Culturel, 95, route de Bordeaux, 24430 Marsac sur l'Isle

Information transmise par Jan dau Melhau.

L'ensemble de l'oeuvre de Marcelle Delpastre a été édité. Une quarantaine de volumes en un peu plus de vingt ans dont vingt-cinq aux éditions dau chamin de sent Jaume.

Deux hommages lui seront rendus en 2015 qui eüt été l'année de son 90ème anniversaire.

(Le premier) A la salle des fêtes de Chamberet (Corrèze), le vendredi 6 février ( jour anniversaire de sa mort) à 20 h 30, avec des lectures de son oeuvre par Teresa Canet, Bernard Combi et Jan dau Melhau ( création notamment du poème dramatique La Tour) et des intermèdes musicaux par Olivier Peirat. (entrée libre "au chapeau")

Les dernières parutions de Marcelle Delpastre aux éditions dau chamin de sent Jaume:

-Petites chroniques de Germont, 275 pages, 20€

-Le tombeau des ancêtres( réédition), 544 pages, 32€

-De la tradition ( collection De temps pacan), 189 pages, 15€

-Autour du Courrier du Centre ( chroniques des années 50), 63 pages, 10€

Et aux éditions Plein Chant, dans la collection Type/Type:

- Le rosier pourpre et autres nouvelles, avec dessins de l'auteur, 268 pages 24€

°°

Tous ces titres peuvent se commander avec leur règlement( ajouter 4€ de port) à:

Lo chamin de Sent Jaume,

Roier

87380 Meuzac

Tel: 05 55 09 96 61

Février étant pluviôse en son début, on s’attend encore à la pluie. Un certain nombre de proverbes nous la promettent et nous la présentent comme plutôt bénéfique : 

« Bona annada farem (aurem) Si a plegut en feurier. »Nous ferons (aurons) une bonne année s’il a plu en février.

« Quand pleu en feurier, Fau meitat de fenier. » Quand il pleut en février, il ne faut que la moitié du fenil.

Variante tout aussi optimiste : « Quand pleu en feurier, Fau meitat de femier. » Quand il pleut en février, il ne faut que la moitié du tas de fumier.

« Febrier gotilhier, Bon femier, bon granier. » Février porteur de gouttelettes, bon fumier, bon grenier. Il est possible que ce diminutif soit là pour dire qu’il faut que les précipitations demeurent modérées.

Ce n’est pas le cas du proverbe qui suit : « Quand los valats rivan en febrier, Fau aprestar lo granier» .Quand les fossés coulent en février, il faut préparer le grenier.

Micheu Chapduelh

Le 20 décembre 2013, c'était le grand lancement de la chaîne octele.com sur internet. Retour d'expérience avec son dirigeant Lionel Buannic (notre photo).

Vous vous étiez fixés des objectifs ambitieux. Les avez vous tenus ?

Oui, nous avons réussi à diffuser chaque jour 4 heures de programmes, avec une équipe jeune, créée pour l'occasion qui a montré qu'elle sait fonctionner. Au final, l'audience est très bonne avec 25000 visiteurs uniques. Nous avons fait un très bon score au lancement confirmé par une montée en puissance régulière, à mesure de l'arrivée de nos partenaires : Midi-Pyrénées au 2ème trimestre, Languedoc-Roussillon au 3ème. Alors que nous sommes diffusés par internet, on observe que 36 % des spectateurs regardent désormais octele.com depuis leur télé de salon, moyennant l'achat d'une application simple. Les autres spectateurs regardent sur pc, smartphone etc...

Quelles sont les émissions qui marchent le mieux ?

L'émission phare est« D'òc Show »; elle a bénéficié d'un très bon accueil car elle est itinérante et permet d'aborder des sujets variés. Je me souviens du débat sur l'avenir des territoires, avec des hommes politiques confirmés, tout cela en occitan: une première. En Dordogne, nous sommes venus à l'édition 2014 de Paratge à Bourdeilles et à Trélissac. Nous dépassons les 22000 visionnages par numéro. « Cara a Cara », (tête à tête) et le JT« Manaset » fonctionnent aussi très bien. Les documentaires comme « Lo mercadiu », des films comme « Lenga d'amor » de Patrick Lavaud, des films d'animation jeunes comme « Lo gruffalo » sont de vrais succès d'audience. Plus généralement, les dessins animés fonctionnent bien et sont utilisés en classe. En décembre, nous dépassons les 2000 vidéos regardées par jour, avec des pics à 4300...

Vous aviez également pour objectif de faire émerger la création audiovisuelle en oc...

Oui et c'est peut-être là l'un des plus grands succès qui va venir alimenter la production sur les années à venir. « Pix'òc », la structure de Laurent Labadie en Périgord a été capable de fournir rapidement des comédiens pour le doublage. Nous avons une cinquantaine de dossiers de production en cours, issus de locuteurs ou de sociétés qui veulent se mettre à l'occitan. Notre concours de scénario en òc a très bien fonctionné et nous a permis de découvrir de nouveaux talents, comme Eva Castagnet dans le Gers. Nous allons lancer une formation à l'écriture télé en oc avec Jean-Pierre Denis et Alexis Quentin. Avec l'émergence d'un canal de diffusion, de jeunes créateurs occitans sortent du bois, ce qui est très encourageant.

Qu'en est-il des synergies avec Brezoweb ?

Elles fonctionnent comme prévu, du point de vue technique et administratif. Brezoweb a aussi acheté un programme sur « Las bonas fonts », sous-titré ensuite en breton. Le film « L'orsalhier » sera également sous-titré.

Et pour l'avenir ?

Nous avons les ingrédients de la réussite, pas de couac depuis un an, il nous faut à présent consolider. Les productions de 2014 devraient être diffusées à partir de fin 2015 qui sera une année pleine. L'engagement des trois régions va donner encore plus d'ampleur et de variété aux programmes.

Denis Gilabert